Ceyhun Məmmədov-Dünya sənin ətrafında dönür

 

  Deyirlər ki, dünya təkçə sənin ətrafında dönmür. Elə burdan başlayır yanlış düşüncələr. Bəli, dünya elə sənin ətrafında dönür. Kvant fizikasına görə elektronların hərəkəti insanın baxış bucağına görə dəyişir. Və sənin arxanda qalan əşyanın mövcudluğu o zaman olmur. Çünki, sən onu görmürsən. Bir cismi görməməyin, o elektronun varlığının üzərindən xətt çəkmiş olur. Mövcudluq bəsit bir anlayış deyil. Onu anlamaq üçün Dekart kimi düşünməyə ehtiyacın yoxdur əslində. Çünki o, özü üçün bir anlayış formalaşdırdı. Sən də gecikmədən xislətində yatan həqiqəti özün üçün üzə çıxartmalısan.

  Dünya sənin ətrafında dönür. Sən öldükdən sonra həyat mövcud olmayacaqdır. Qısacası sən özün elə həyatsan.

  Zamanamı ehtiyacın var idi?! Tərsliyə bir bax, zamanın da sənə ehtiyacı var. Halbuki anlamadın ki, zaman elə sən özünsən. Beyninin daxilində işləyən bir sistem var. O, sənə bir zamanı tanıdır. Bu hissə “hipotalamusun supershmatic çekirdəyidir”. Bər-bəzəkli saatını yerə at. Çünki, o aldadıcıdır. Əsil zaman sənin beyninin daxilindədir. İnanmırsan?! Onda beynini məşğul edəcək bir işlə məşğul ol və görəcəksən ki, zaman necə də sürətli axır. Ya da sevdiyin bir şəxslə söhbət et. Dopamin ifraz etməyinə görə zaman sürətlə axmağa başlayacaqdır.

  Sən, mən və biz deyilən kəlimələr sadəcə ədəbiyyat üçündür. Onlar burda mövcuddur. Ədəbiyyatdan kənar onlar varlıqlarını irəli sürmürlər. Sadəcə təklik vardır. Bir... Bir... Bir...

  Və elə ona görə də tək sən mövcud olduğun üçün dünya sənin ətrafında dönür. Kvant fizikasına görə elektronlar həm burda həm də başqa bir məkanda, eyni anda mövcud ola bilərlər. Sənin buna qadir olmağın şüphəli deyil. Enerji axınına burax özünü. Beyninin qaranlıq tərəflərini işıqlandır.

  Öz dünyanda öz Tanrılığını et.

  Maddənin formalaşması, beyninin sənə təqdim etdiyi görüntüyə əsasən olur. Pikselli bir dünya. Yəni matriks kimi təsəvvür et. Dalğaların qəbul edilməsi. Beynin bir kainatı simulasyon edir. Bir insanı simulasyon etməsi elə də müəmmallı məsələ deyildir.

  Ölmüşdük?! Bəlkə də keçmişdə öldük. İsrail bir oyun oynayır. Ola bilməz ki, ölümü də onlar kəşf etsin?! Yuxu... Yuxu... Yuxu... Öldükdən sonra şüurun sərbəst buraxılması. Ola bilər?! Başqa bir boyuta daxil olaq.