BİZ BELƏ DEYİLİK, HƏYAT BELƏDİR

  Səmimi dərəcədə söhbət edəcəyiniz biri olmalıdır. Hansı ki, həmin şəxsə rahat şəkildə, çəkinmədən daxilinizdə olan bəzi mövzuları ona danışıb rahatlaya bilərsiniz. Bu şəxslər 2, 3 nəfər ola bilər. Məsələn: Xoşa gəlməyən bir hadisə baş verdi. Həyat ehtimallarla zəngindir, unutmayın. Və siz həmin 3 dostunuzla artıq uzaqlaşmalı olursunuz şəhərdən. Bütün yol boyu darıxmaqdan sizi uzaq tutacaq şəxslər onlar olmalıdırlar. Birinizə bir şey olsa o dəqiqə əl-ayağa düşməlisiniz. Əgər soyuq fəsilin daxilindəsinizsə onda söhbətləriniz bir-birinizi isitəcək tək vasitə olmalıdır. Birlikdə gülüb birlikdə kədərlənəcəyiniz dostlardan danışıram. Dost kəliməsi də önəmli faktordur yaşamınızda. Necə ki, “Bumer” filmində bunu çılpaqlığı ilə bildirmişdilər. Filmin birinci hissəsi 2003-cü ildə yayımlanmışdır. İkinci hissənin yayımlanması 2006-cı ildə reallaşmışdır. Dram janrında olan filmin senaryo müəllifləri Pyotr Buslov, Denis Rodimin adlarını daşıyan şəxslərdir. Film sizə özünüz olmağı, əsəbisinizsə onu gizlətməməyi, sadiq və səmimi olmağınızı, dürüst və dostunuza arxa çevirməyib ona ziyan verməməyi bunları bildirmiş olur. Filmin hər iki hissəsini təkrar-təkrar izləməyinizi məsləhət görürəm. Özüdə BMW maşınını sevənlər burada həmin maşının dostluğa sadiq olduğunu görəcəklər. Ancaq dostluqda istisna olduğu kimi, həmin maşının da müəyyən istisnaları olacaqdır. Və həmin maşının oğurlanması ilə başlayan həyacan sizi dərin hisslərə götürəcəkdir.